kule
tenpo pini la, selo waso en selo soweli li walo.
jan li lon telo suli pi nasin telo ala la, jan li kama laso. jan li lon telo loje pi jan
lili kulupu la, jan li kama loje. jan li lon supa pi ko ma la, jan li kama jo e kule
ma. jan li lon ilo seli la, jan li kama jo e kule pi ko seli kasi. jan li lon kasi suli
mute la, jan li kama jelo. jan li pali ala la, jan li walo.
toki pi nasin sewi tan jan pi Amelika seli tawa jan sewi
toki pi nasin sewi tan jan pi Amelika seli tawa jan sewi
jan sewi o kute e mi.
sina lon telo suli sewi.
sina lon telo suli anpa.
sina pali e ma.
sina pali e jan.
sina lawa e jan lawa ali.
jan sewi o!
oko mi li wile mute lukin e sina
li wile taso sona e sina.
mi lukin e sina
li pilin e sina
li olin e sina
li sona e sina
la, sina lukin e mi li sona e mi.
suno en mun
en tenpo suno
en tenpo pimeja
en tenpo seli
en tenpo lete
li lon poka pona
li tawa
ma pona
li kama pona.
sina jo e palisa lawa lon ali.
o kute e mi.
o kute kin e mi.
sina kute ala e mi
la mi pilin ike
li moli.
kalama musi pi ni: jan li tawa Amelika seli. jan Epanja li kalama musi e ni.
jan li tawa ma tomo Lonta tan kili jelo.
jan li tawa ma tomo Alakonale tan kili loje.
jan li tawa ma Amelika seli tan mani.
jan li tawa ma nena tan meli pi ma nena
mije mi li tawa Amelika seli
li wile mute e mani sina.
ona li kama sin
li jo e toki taso, e mani ala.
mije mi li tawa Amelika seli
li pana tawa mi e ilo tan ni: tu e jo.
ni li jo e nimi ni:
"sina wile moku la, sina pali."
mije ali li tawa Amelika seli
li wile kama jo e mani.
ona li wile pali la,
Amelika seli li lon.
jan Amelika li toki e nimi ni:
a. jan li jo e ma tan seme? jan li ken pana e ma kepeken seme? jan li ken
kama jo e ma kepeken seme? mi mute li jo ala e ma. ma li jo e mi mute. mi
mute li jan lili ma. tenpo ali la, nasin ni li lon. ma li lon. ma li kama e ni: pipi li
moku. sama la, ma li kama e ni: mi mute li moku. ma li jo e sijelo e telo loje.
ma li jo e telo mama li pana e telo mama tawa mi mute. ma li jo e linja soweli
e kasi lili sin e kasi lili pi sin ala e kasi suli. ma li pali e kili ma e tomo e jan.
ma li olin e mi mute. mi mute li olin e ma. ma li moku e telo nasa tan mi
mute. mi mute li jan lili ma. jan li ken pana e ma kepeken seme? jan li ken
kama jo e ma kepeken seme?
kalama musi pi kalama musi pi jan Amelika tele
mi kalama musi la
mi ken pana e pona tawa ona.
mi ken kin!
kalama musi li wawa!
mi kalama musi la
mi ken tawa sewi e ona.
mi ken kin!
kalama musi li wawa!
mi kalama musi la
mi pona e luka ona.
mi ken kin!
kalama musi li wawa!
mi kalama musi la
mi pona e sijelo ona.
mi ken kin!
kalama musi li wawa!
