nanpa tu

mi jo ala e jan toki. tenpo wan la mi tawa kepeken tomo tawa kon mi li pakala e ona. mi anpa e ma Sawala. mi li wan li wile pona e tomo tawa kon mi. pali ni li ike mute. mi jo lili e telo.

mi lape. suno li lon. ijo kalama li toki: “pona, o sitelen e soweli meli!”

“sina wile e seme?”

“o sitelen e soweli meli tawa mi!”

mi sewi, mi li pilin e oko mi. mi lukin e jan lili nasa! ni li sitelen:

sitelen ni li ike lukin, ona li pona lukin.

mi pilin nasa mute. jan ante li lon ma ni! jan ni li lukin kin pona lon ma pi telo ala!

mi toki: “sina pali e seme lon ma ni?”

ona li toki: “pona, o sitelen e soweli meli!”

ona li suli tawa ona. mi pana e lipu e ilo sitelen. taso, mi ken ala sitelen e soweli. tomo sona li pana ala e sona ni. mi toki e ni tawa ona.

ona li toki: “ni li lili. o sitelen e soweli meli.”

mi pali e sitelen mi pi nanpa wan. ona li toki: “ala! mi wile ala e ni: soweli suli li lon insa pi akesi linja. akesi en soweli suli li ike. mi wile e soweli meli.”

mi sitelen e ni:

ona li lukin, li toki: “ona li pilin ike. o sitelen e ante!”

mi sitelen e ni:

ona li lukin li sike e uta. “sina lukin sama e seme ona li soweli mije!”

mi sitelen e ni:

ona li lukin li toki: “ona li soweli suli. mi wile e soweli lili.”

tenpo ni la mi wile pona e tomo tawa kon. mi sitelen e ni:

mi toki: “ni li poki. soweli li lon poki ni.”

sinpin ona li pona. “ona li pona mute! soweli meli ni li wile moku e kasi mute ala mute?”

“sina toki e ni tan seme?”

“tan ni: ale li lili lon ma mi.”

“mi pana e soweli lili tawa sina!”

"ona li lili ala. o lukin! ona li lape.”

a! suno ni la mi sona kama jan lawa lili.