mi kama sona: sike sewi pi jan lawa lili li lili sama tomo!
sike sewi suli li lon. nimi ona li seki ma li sike Upita li sike Masu. sike sewi lili li lon kin. nanpa ona li mute mute. nimi ona li nanpa taso.
sike sewi lili pi jan lawa lili li sike sewi pi nanpa 616. tenpo li nanpa wan la jan pi ma Tuki li lukin e ona. ona li toki e ni tawa jan pi sona sewi. taso, ona li len e len pi ma Tuki jan pi sona sewi li pilin e ni: ona li toki pakala. jan suli li sama e ni...
tenpo lili la jan lawa pi ma Tuki li toki e ni: "o len taso e len pi ma Elopa! sina len ala la sina moli!" tenpo pi nanpa tu la jan pi ma Tuki li toki e sama tawa jan pi sona sewi. tenpo ni la ale li pilin e ni: ona li toki e lon!
tenpo mute la mi toki e ni: "sike sewi 616". mi toki e ni tawa jan suli. nanpa li pona mute tawa jan suli!
sina toki tawa jan suli: "mi jo e jan pona sin". jan suli li toki ala e ni: "kalama ona li sama seme? musi seme li pona tawa ona? ona li e jo ala jo e pipi mute?" ala! ona li toki e ni: "tenpo pi nanpa seme la ona sike e suno? mama mije ona li jo e mani pi nanpa seme?
sina toki: "mi lukin e tomo. ona li loje li jo e kasi lon sinpin li jo e waso lon lawa." jan suli li ken ala sitelen e ni kepeken lawa ona.
sina toki: "mi lukin e tomo. ona li sama e mani pi nanpa ale ale ale." ona li toki: "a ni li pona lukin mute!"
sina toki: "mi sona e ni: jan lawa lili li lon. mi sona tan ni: jan lawa lili li musi li pona li wile e soweli meli. jan li wile e soweli meli la ona li lon!" jan suli li pilin e ni: sina jan lili taso.
sina toki: "jan lawa lili li kama tan sike sewi pi nanpa 616." ona li pilin e ni: ona li lon.
jan suli li sama ni. o pilin ike ala tan ni!
jan lili o, sina sona e nasin lon. nanpa li lili tawa sina. mi wile e ni: open pi toki mi e sama ni: "tenpo wan la jan lawa lili li lon sike sewi lili. ona li wile e jan pona..." ni li pona tawa sina. taso, ni li ike tawa jan suli. mi wile e ni: toki mi li suli kin tawa jan mute.
mi wile ala e ni: mi sona weka e jan lawa lili. sina sona ala e jan pona la ni li ike. jan ali ala li jo e jan pona. mi sona weka e ona la mi li sama jan suli la nanpa taso li pona tawa mi.
mi jo e ilo sitelen. tenpo suli mute la mi sitelen ala. mi sona ala e ni: sitelen mi li pona ala pona? tenpo lili la mi pali ijo ike lon sitelen mi. o pilin ala ike tan ni! ken la mi sama lili e jan suli...
Nenhum comentário:
Postar um comentário