toki pi nanpa wan
olin li ijo pona. jan li olin e sina la ni li pona. sina
olin la ni li pona sin. taso mi wile sona e ni: olin ike li lon ala lon. mi
toki e ijo pi olin ike la mi toki e ijo ni: sina olin e jan, taso ni li pona ala
tan ijo ante.
o sona e ni:
1. sina olin e jan. taso ona li olin ala e sina. ni li
pakala tawa pilin sina. jan ali li sona e ni.
2. sina olin e jan. taso sina ken ala toki e ni tawa ona tan
ni: ni li ike tawa jan. ona li sona la ona li toki ala tawa sina. sin la ni li
pakala.
mi pilin e ijo tu ni. taso mi pilin e ni: ijo pi nanpa tu li
pakala mute tan ni: jan li jo e pilin pi olin pona en olin ike. ni li pali ike.
taso mi ali poka ni.
mi jo e jan pona. ona li jan Anku. mi toki ala e ni: mi tu
li kama jan pona kepeken nasin seme. taso mi toki e ni: mi olin e ona. mi toki
sin e ni: mi ken toki ala e olin mi tawa ona. ni li pakala li ike tawa mi. taso
mi pana e pona tawa ona. ona li sama ni: jan lili mi.
tenpo suno wan la ona li tawa weka. ona li toki e ni tawa mi.
mi toki ala e nimi ‘tawa pona’. tenpo suno ni la mi wile pana e telo oko.
tenpo kama lili la mi kute e ni: mama ona li jo e wile ante.
mi kute e ni la mi pilin e ni: ni li pona ala. taso mi toki e ni tawa mi: ni li
ali.
mi pilin ike tan ni la musi li pona e mi. musi ni li jo e
pilin suli mi e wile mi. mi sitelen e musi ni kepeken ilo sona en telo oko en
pilin mi en olin mi. mi sona e ni: jan pona mi li lukin ala e ni. taso jan ante
li ken sona e pilin lon musi ni la mi pona.
pi jan Pusa
nanpa wan
sina jan lili mi ala
taso sina weka la mi pilin e ni:
jan lili mi li moli
pilin ike lon mi li kama suli
tan ni: sina lon ni ala
nanpa tu
mi lon supa lape
luka mi li wile pilin e luka sina
taso luka sina li lon ala
mi wan taso
nanpa tu wan
mi mama mije sina ala
taso sina li weka tan ma ni
la mi pilin e ni:
jan lili mi li moli.
mi pana e telo oko mute
tan mi: mi wile e sina
lon poka mi
mi pilin sama ala
mi lukin e pilin pona sina
la mi pilin pona
taso pilin ike li lon taso
tan ni: sina li lon ala
mi mama mije sina ala
taso pona mi tawa sina
li sama pona tawa jan lili mi
sina jan lili mi
nanpa tu tu
mama sina li wile e ni:
sina tawa tomo sona pi pali ike
la wan pi kon mi li moli
nanpa luka
pilin pona mi li lon sin uta mi
taso pakala li weka ala.
tan ni: mi lon tomo pi nasin sewi la
mi pana e telo oko mi
nanpa luka wan
mi wile e ni:
jan li toki e ni tawa mi:
ali li pona tan ni:
ali li jo e pimeja.
nanpa luka tu
jan lili mi o,
sina pilin seme?
sina sona ala sona e mi?
tan ni: pilin mi li weka ala e sina
nanpa luka tu wan
nimi sina
li tan pi pakala mi.
mi sona e nimi sina
la pilin mi li wile e sina
tan ni: tenpo ni
la sina li lon ala.
nanpa luka tu tu
mi lon ma tomo
la mi lukin e sina
tenpo lili la mi tawa sina
mi toki e nimi sina
mi sike e sina kekepen luka mi
li pana e telo oko
pilin pona mute li lon pilin mi
taso lape mi li pini
mi wan taso lon supa lape mi
lon lawa mi taso
mi ken toki tawa sina
mi ken pilin e sina
mi ken pana e pona tawa sina
mi ken kama jan pona suli sina
mi ken pali e ni tan sina
taso mi ken pali e ni lon lawa mi
kon en sewi lon pilin mi
sewi li laso.
ijo sewi walo li lon.
taso sewi mi li pimeja.
ijo sewi pimeja li lon.
mi pilin lete. mi pilin telo.
mi wan taso.
tenpo suno pini la sina suno mi.
tenpo ni la jan ni li telo sewi mi.
nanpa luka luka tu
sina toki tawa ona
la mi moli lili
pilin sina li lon luka ona
taso pilin mi li lon luka sina
nanpa luka luka tu wan
tenpo mun tu wan li pini.
sina sona e seme?
tenpo ni la mi jo ala e telo oko
tan ni: mi pana e ni tawa sina.
nanpa luka luka tu tu
mi jo e nimi
mi wile toki e ni tawa sina
taso mi ken toki ala e ni:
mi olin e sina.
pilin pona sina lon uta sina
pilin pona li lon uta sina
la ni li pona mute tawa mi.
pilin pona li lon uta sina
la mi ken lukin e ijo walo uta sina.
ni li sama suno pi suno lili.
ni li pona lukin sama sina.
pilin pona pi uta sina li suwi mute.
mi lukin e ni la pona li lon uta mi.
mi wile pilin e uta sina kepeken uta mi.
taso ike a! mi weka tan sina.
sitelen sina
mi lukin e sitelen sina
la mi wile pana
e telo oko mi
e olin mi.
sina lon lawa mi la
mi wile e ni: mi en sina
li lukin lon tomo sama
toki e ijo mute poka sina
taso mi sona e ni:
mi en sina li olin la
ni li ike tawa oko pi jan ante.
ni li pona tawa pilin mi.
mi jo e sitelen sina.
Nenhum comentário:
Postar um comentário